Home > Navigation > Text Groups > Lyrical Poetry > Harley Lyrics > Specimen

Annot and John

Ichot a burde in a bour ase beryl so bryht,
ase saphyr in seluer semly on syht,
ase iaspe þe gentil þat lemeþ wiþ lyht,
ase gernet in golde ant ruby wel ryht;
ase onycle he ys on yholden on hyht,
ase diamaund þe dere in day when he is dyht;
he is coral ycud wiþ cayser ant knyht;
ase emeraude amorewen þis may haueþ myht.
þe myht of þe margarite haueþ þis mai mere.
ffor charbocle ich hire ches bi chyn ant by chere.
(Vv. 1-10)

An Autumn Song

Nou skrinkeþ rose ant lylie-flour
þat whilen ber þat suete sauour
in somer, þat suete tyde;
ne is no quene so stark ne stour
ne no leuedy so bryht in bour
at ded ne shal by glyde.
Whose wol fleysh lust forgon
and heuene blis abyde,
on Iesu be is þoht anon,
at þerled was ys side.
 (Vv. 1-10)